Суббота, 18.11.2017, 02:37
Приветствую Вас Гость | RSS

Ытык-Кюельская СОШ №2 им Д.А. Петрова

Меню
Альбомы
Статистика

Онлайн всего: 1
Гостей: 1
Пользователей: 0

Ахтыы Охлопкова М.Н.

АХТЫЫЛАР

 

 

М.Н.Охлопкова,

Герой ийэ,тыыл,

педагогическай үлэ ветерана

 

Мин ыам ыйын 11 күнүгэр 1925 сыллаахха Амма нэһилиэгэр Саппыйа диэн алааска Мөрүөнэптэр дьиэ кэргэҥҥэ төрөөбүтүм. Саппыйа алааска бары аймахтыы Мөрүөнэптэр олорбуппут. Онно мин соҕотох кыра оҕо этим.

Аҕам Ньукулай Миитэрэйэбис Мөрүөнэп таҥара дьиэтигэр 2 сыл үөрэнэн ааҕар-суруйар буолбута. Ийэм Өрүүнэ Амаахааҥҥа олохтоох Саабылыскайдартан төрүттээх.

Сэрии кэмигэр Чурапчыга училищеҕа үөрэммитим. Таҥас-сап ас да, уу да наһаа кэмчи кэмэ этэ. Алдан, Баайаҕа, Ытык-Күөл уон кылаастаах оскуолаларыгар начаалынай кылаас учууталынан үлэлээбитим. 1947 сыллаахха кэргэммин Охлопков Михаил Константиновичтыын Чычымахха учууталынан анаммыппыт. Онтон 1955 сыллаахха алта оҕобутун, ийэбитин илдьэ Ытык – Күөлгэ көһөн кэлбиппит. Кэлин барыта 12 оҕолонон «Герой - Ийэ» аатын ылбытым.

Ытык – Күөл аҕыс кылаастаах оскуолатыгар үлэлээбит сылларбын наһаа үчүгэйдик саныыбын, ахтабын. Үлэбитигэр өйбүтүн-санаабытын барытын ууран туран ис испититтэн кыьаллан үлэлиир буоларбыт. Наһаа да үлэлэригэр бэриниилээх дьону кытта үлэлээбит эбиппин.

Мин бастаан үлэлээн саҕалыырбар методическай материал диэн суоҕун кэриэтэ этэ. Барытын бэйэбит дьиэбитигэр оҥорон, бэлэмнээн аҕалар этибит. Түүн хойукка дылы оҥорорбут. Куурда охсоору сойон эрэр оһох үрдүгэр уурарым уонна сарсыарда хомуйан оскуолабар илдьэ баран уруокпар туһанарым. Үөрэҕин ыарырҕатар оҕолору хайаан да уруок кэнниттэн хаалларан үөрэтэрим. Аны оҕо үөрэнэ кэлбэтэ, ол күн дьиэтигэр баран билсэрим уонна таарыйа дьиэтигэр үөрэтэн кэлэрим. Оннук ирдэнэр да этэ.

  • таҕыстым да балтараа ыйдаах оҕону дьиэҕэ хаалларан үлэҕэ тахсар этибит. Перемена кэмигэр дьиэбэр кэлэн эмиий эмтэрэн аһатан барар буоларым. Ону үөрэппит оҕолорум өйдүүллэр эбит, Мария Николаевна дьиэтигэр баран оҕо эмтэрэр этэ диэн. Кыра оҕолордоох этим да үлэбэр мэһэйдэппэккэ үлэлии сатыыр этим. Онно барытыгар көмө буолар киһим мин ийэм этэ. Ийэм барахсан абыраллаах да киһи буолара. Олорбутум тухары оҕолорбор махталым улахан. Куруутун күүс-көмө буолаллара. Оскуолаттан кэлбитим оҕолорум дьиэ үлэтин «чоп» курдук онорон остуоллорун тардан баран аһаары миигин кэтэһэн олорор буолааччылар.

1975 сыллаахха пенсияҕа тахсыбытым. «Ветеран труда», «Ветеран тыла» бэлиэлэрдээхпин. Сэрии бэтэрээнин огдооботобун, Герой-Ийэ буолабын. 91 сааспар сылдьабын.

Билигин даҕаны аан дойдуга туох буола турарын радио нөҥүө билэ, истэ олоробун. Оҕолорум билигин бэйэм курдук пенсионердар. Элбэх сиэн эбэтэ, хос эбэтэ буолабын.

Форма входа
Календарь
«  Ноябрь 2017  »
ПнВтСрЧтПтСбВс
  12345
6789101112
13141516171819
20212223242526
27282930
Случайное фото
Случайное фото
Баннеры
Министерство образования и науки Российской Федерации

Управление образования Таттинского улуса

Федеральный портал "Российское образование"

Единое окно доступа к образовательным ресурсам

Единая коллекция цифровых образовательных ресурсов
Федеральный центр информационно-образовательных ресурсов
йойойой йойойойййй

Copyright МБОУ Ы-КСОШ №2 © 2017
Хостинг от uCoz