Воскресенье, 24.09.2017, 05:04
Приветствую Вас Гость | RSS

Ытык-Кюельская СОШ №2 им Д.А. Петрова

Меню
Альбомы
Статистика

Онлайн всего: 1
Гостей: 1
Пользователей: 0

Ахтыылар 2

А.Д. Луковцева,

РСФСР норуотун үөрэҕириитин туйгуна,

педагогическай үлэ ветерана

«1969-70 с. үөрэх дьылыгар Ытык-Күөл аҕыс кылаастаах оскуолатыгар история учууталынан ананан үлэлии кэлбитим. Үөрүөм иһин анаммыт оскуолам бэйэм үөрэммит икки этээстээх кырдьаҕас оскуолам дьиэтигэр үлэлии олорор эбит. Онон күндүтүк саныыр үөрэҕим кыһатыгар иккистээн эргиллэммин, өссө эбиитин урут үөрэппит учууталларбын кытта биир коллективка үлэлиир буолбутум. Ол курдук, маӊнайгы учууталым Марина Александровна Андросова начальнай кылаастарга үлэлиирэ, Баайаҕа оскуолатыгар нуучча тылыгар уонна литературатыгар үөрэппит учууталым Галина Абогоевна Шуткина, Ытык-Күөл орто оскуолатыгар биологияҕа үөрэппит Мария Романовна Макарова бааллара. Кинилэр көмөлөрүнэн коллективка түргэнник киирбитим. 1969-1996 сс харыс да халбарыйбакка оскуолабар история учууталынан үлэлээбитим. Биһиги оскуола улуус киинигэр биир бастыӊ көрдөрүүлээх, элбэх оҕону билии суолугар киллэрбит оскуола этэ. Биһиэхэ элбэх төрөппүт оҕотун үөрэттэрэргэ дьулуһара. Ону мин маннык сыаналыыбын – оскуола педколлектива улахан түмсүүлээх, үлэһит коллектив этэ. Директорбыт Кузьмин Михаил Гаврильевич, завучпут Слепцов Николай Михайлович дьону сатабыллаахтык түмэр дьоҕурдаах салайааччылара. Ордук күүстээх састааптаах начальнай кылаас учууталларын түмсүүтэ баара. Манна үлэлииллэрэ улаханнык ытыктанар Вера Васильевна Данилова, Клавдия Степановна Винокурова, Марина Александровна Андросова, Мария Николаевна Охлопкова, Матрена Гаврильевна Севастьянова, Мария Гаврильевна Слепцова, Зинаида Никитична Слепцова уо. д. а. Ортоку звеноҕа математиктарынан өр сылларга тахсыылаахтык үлэлээбиттэрэ ‑ Иннокентий Петрович Чьямов, Анна Алексеевна Большакова, Александра Порфирьевна Слепцова, Нина Михайловна Попова. Саха тылыгар уонна литературатыгар ‑ Святослав Тихонович Макаров, Христина Ананьевна Слепцова, нуучча тылыгар уонна литературатыгар – Галина Абогоевна Аргунова, Лидия Семеновна Павлова, Валентина Степановна Давыдова, Григорий Васильевич, Зоя Михайловна Слепцовтар, Лидия Семеновна Макарова уо. д. а., географияҕа – Михаил Михайлович Аммосов, физкультураҕа – Владимир Ильич Кононов, Алексей Александрович Неустроев. Педколлектив түмсүүлээх үлэтин тэрийээччилэринэн буолбуттара өр сылларга оскуола директорынан, завуһунан үлэлээбит Михаил Гаврильевич Кузьмин, Христина Ананьевна Слепцова, Василий Никифорович Наумов, Иосиф Игнатьевич Николаев, Лидия Семеновна Макарова уо. д. а.

1975 с. оскуола дириэктэрэ М. Г. Кузьмин сүүрүүтүнэн-көтүүтүнэн саӊа оскуола дьиэтэ тутуллубута. Саӊа, сырдык улахан кылаастардаах оскуола дьиэтэ дьэндэйэн, дьэ, кэрэ этэ. Үлэбит-хамнаспыт даҕаны саҥа кэрдиис кэмӊэ киирбитэ. Педколлективка сонун сүүрээн биллибитэ, эдэр учууталлар кэккэлэрэ хаӊаабыта. Олор истэригэр бэйэбит выпускниктарбыт кэлитэлээн барбыттара. Ол курдук, күн бүгүнүгэр диэри үлэлии сылдьаллар: Н.С. Андреева, С.П. Борисова, Л.М. Тосина, Н.Д. Осипова, Я.Н. Спиридонов уо. д. а.

Учуутал эрэ барыта үөрэппит оҕолорун ситиһиилэринэн киэн туттар, ордук үөрдэр кинилэр үөрэммит оскуолаларын, учууталларын умнубаттара, үтүө сиэрдээх-майгылаах дьон буолуулара. Мин киэн туттар үөрэнээччилэрим: С.Д., А.Д., Д.Д. Бравиннар, И. А. Сивцева, М.М. Соров, Д.А. Сивцева, Н.П. Филатова, Л.Н. Максимова, А.В. Горохов, Е.Г. Захарова, Л.Б. Тен, Л.Н. Винокурова, Н.А. Местников, Я.Н. Спиридонов уо. д. а.

Билигин кырдьан олорон саныыбын: учуутал буолар, үөрэппит оҕолоруӊ үөрүүлэринэн-ситиһиилэринэн кынаттанан олох үөһүгэр сылдьар Улуу Дьол эбит!»

 

 

Л.С.Макарова,

РФ уопсай үөрэхтээһинин

Бочуоттаах үлэһитэ,

Учууталлар учууталлара.

 

Күндүтүк саныыр оскуолам

 

Ытык-Күөл 8 кылаастаах оскуолата. Восьмилетка Бу оскуола биьиги, Макаровтар, Керемясовтар дьиэ кэргэттэригэр олус күндү. Ол курдук манна биһиги дьиэ кэргэн үс көлүөнэ үлэлээн, үөрэнэн ааспыппыт.

Биһиги педагогическэй династиябыт аҕа баһылыга - мин ийэм Российскай Федерация норуотун үөрэҕириитин туйгуна, тыыл ветерана, «Ытык саас» бэлиэ хаьаайына, Ытык-Күөл бочуоттаах олохтооҕо Макарова Мария Романовна 1966 сыллаахха Ытык-Күөл 8 кылаастаах оскуолата аһыллыаҕыттан 1976 сыллаахха бочуоттаах сынньалаҥҥа барыар диэри үтүө суобастаахтык үлэлээбитэ. Ийэм Таатта улууһун үөрэҕириитин сайдыытыгар киллэрбит кылаата улууска, республикаҕа биир бастакынан юннатскай хамсааһыны төрүттээбитэ. Улахан 2 скаттаах теплицаны туттаран огурсу, помидор, кабачок, арбуз үүннэрэн, оскуолаҕа тыыннаах муннук тутан, үгүс оҕону биолог идэтигэр уһуйбута. Кэлин оскуола бочуоттаах ветерана буолан сибээһин быспакка эдэр көлүөнэ учууталларга холобур буолбута. Түгэнинэн туһанан, профком председателэ Спиридонов Яков Николаевичка ветеран учууталларга истиҥ, болҕомтолоох сыһыанын иһин махталбын тиэрдэбин.

1975 сыллаахха Ытык-Күөл былыргы 2 этээстээх оскуолатын оннугар саҥа дьиэ тутуллан үлэҕэ киирбитэ (билиҥҥи лицей дьиэтэ). Манна саҥа уерэҕин бүтэрэн, мин эдьиийим, эдэркээн английскай тыл учуутала Керемясова (Макарова) Антонина Семеновна үлэлии кэлбитэ. Кини улууска үрдүк үөрэхтээх омук тылын бастакы учууталларыттан биирдэстэрэ этэ. Эдьиийим барахсан кылгас олоҕун устата трудовой кинигэтигэр 1 эрэ суруктаах- бу оскуолаҕа үлэлээбитэ Омук тылын учууталларын республиканскай семинарыгар Антонина Семеновна 5-7 кылаас оҕолорун бииргэ тутан КВН форматынан «Мы знаем не только АВС» диэн ааттаах куруьуок дьарыгын үрдүк таьаарыылаахтык ыыппыта. Кини үөрэппит оҕолоруттан Попова Я.И., Иванова Г.В., Саввина Н.И.омук тылын учууталлара буолбуттара.

Мин бу оскуолаҕа 1985 сыллаахха 32 сааспар партия райкомун дьаһалынан үөрэтэр-иитэр үлэҕэ директоры солбуйааччынан ананан үлэлии кэлбитим. Оччолорго 300- тэн тахса оҕолоох оскуолаҕа организатор диэн суох, үөрэх-иитии улэтин биир завуч көрөр этэ. Толору 2 сменанан үөрэнэр этибит. Биирдии саха уонна нуучча кылаастарыгар 30-38 оҕо үөрэнэрэ. Нуучча, атын да омук оҕолоро үөрэнэллэрэ. Олус күүстээх, способнай оҕолор орто оскуолаҕа тахсан, үгүс оҕо кыһыл, урүҥ көмүс мэтээлинэн бүтэрбиттэрэ. Баишева Оля,Кононова Саргылана, Керемясова Надя, Чьямова Наташа, Кулаковская Варя уо.д.а. Оскуолабытыгар учууталлар таһымнарын үрдэтэр семинардары, эдэр учуутал оскуолатын тиһигин быспакка үлэлэтэр этибит. Восьмилеткаттан кынат анньынан элбэх учуутал үрдүк үктэлгэ тахсан, күн бүгүнүгэр диэри айымньылаахтык үлэлии сылдьаллар: Россия президенин Гранын кыайыылаахтара Борисова С.П., Колтовсая С.Н, Захарова М.Д., Кашкина Э.Х., Матаннанва А.Н. Үөрэхтээһин үрдүкү салалтатыгар оскуола выпускниктара, учууталлара Тен Л.Б., Сивцева И.А., Луковцева М.Н.,Осипова Н.Д.,Андреева Н.С. таһаарыылаахтык үлэлииллэр. Бииргэ алтыспыт коллегаларбын, аҕа табаарыстарбын Слепцова Х.А., Слепцов А.А., Корнилова Р.Н., үөлээннээхтэрбин Кузьмина Л.М., Аргунова Д.А., Татаринова Е.И., Луковцева М.Н., Осипова Н.Д., Голиков Н.Н., Борисова С.П. истиҥник саныыбын.

Биһиги дьиэ кэргэнтэн үс келүөнэ Керемясовтар, бары бу оскуолаҕа үөрэммиттэрэ. Барыбытын үөрэппит учууталбытыгар Борисова Светлана Петровнаҕа махталбыт улахан. Улахан кыыс Надя - оскуола выпускницата, орто оскуоланы үрүҥ көмүс мэтээлинэн бутэрбитэ. Физика, информатика учуутала. Женя, Маня, Толя аныгы үйэ сиэринэн техническэй идэлэри баһылаан, информационнай технология специалистарынан үлэлииллэр. Женя төрөөбүт улууһугар оптоволокно ситимин тардан, интернет сибээһэ түргэн тэтимнээх буоларыгар үлэлэһэр. Маня Тааттатааҕы гимназияны эмиэ үрүҥ көмүс мэтээлинэн бүтэрбитэ.

Ити курдук, биһиги дьиэ кэргэн ыкса сибээстээх оскуолабытын 50 сыллаах юбилейынан ис сүрэхтэн эҕэрдэлиибит. Баҕарабыт үрдүк таһымнаах үлэни, саҥа саҕахтары, кыайыылары.

 

 

 

  • Х.А. Слепцова,

САССР үтүөлээх учуутала,

Таатта улууһун Бочуоттаах гражданина

 

Мин 1931с. олунньу 11 күнүгэр сулууспалаах дьиэ-кэргэнигэр төрөөбүтүм. Аҕам Ананий Алексеевич, оччотооҕуга үөрэхтээх киһи, адвокатынан, суоччутунан үлэлээбитэ. Хоту оройуоннарга, төрөөбүт оройуонугар Советскай былааһы олохтоспута. ССРС 50 сылыгар «Бойобуой Үтүөлэрин» иһин медалынан наҕараадаламмыт. Кини туһунан «Хотугу сулус» 1970с. киэҥник сырдатыллыбыта.

Мин төрөөппүн кытта эбэбэр иитиигэ бэриллибитим, оҕо сааһым Наммараҕа, Ытык-Күөлгэ ааспыта. Оҕо саас үөрүүтэ, дьоло-соргута диэни билбэтэҕим, эһэм, эбэм оҕо сааспар өлбүттэрэ. Сэрии ыарахан сылларыгар оскуолаҕа үөрэнэрим, кыра кылааска наар туйгун этим. Сут-сутурҕан кыһалҕатын, ас-таҥас тиийбэтин, сэрии ыар содулун эппинэн-хааммынан билэн улааппытым. Сэрии саҕанааҕы саха үлэһит дьоно, колхозтаахтар хаһан утуйалларын, төһөҕө туралларын, биһиги, оҕолор, төрүт да көрбөт этибит. Арай биһиги көрөрбүтүгэр кинилэр мэлдьи үлэлиир, дьиэҕэ-уокка көстүбэт буолаллара. Мин, тулаайах оҕо, кинилэр тоҕо маннык үлэлииллэрин соччо быһаарбатарбын да, кинилэр курдук үлэһит буолуохпун тоҕо эрэ ис-испиттэн баҕара саныырым, ымсыырарым. Баҕар, ол аҕа көлүөнэ үтүө үгэһиттэн миэхэ туох эмэ иҥмитэ буолуо дии саныыбын. Ытык-Күөл орто оскуолатын 1952с. үөрэнэн бүтэрбитим. Үөрэппит учууталларбыттан Семен Тихонович Макаровы, Изабелла Васильевна Гагаринаны, Иннокентий Афанасьевич Вырдылины олус чугастык саныыбын.

1952-56 сс. Дьокуускайдааҕы педагогическай институт саха тылын отделениятын бүтэрбитим. Дьокуускайга үөрэнэр кэмим бу элбэххэ үөрэммит, билиигэ-көрүүгэ тардыспыт олоҕум саамай чаҕылхай сыллара этилэр.

1956 с. Уолба сэттэ кылаастаах оскуолатыгар саха тылын учууталынан үлэлээбитим. Үлэлээбитим иккис сылыттан завуһунан анаабыттара. Оччолорго олоххо опытым суоҕа, билбэтим-көрбөтүм сүрдээх этэ. Ол гынан баран, төттөрү этэр, аккаастыыр, саарбаҕалыыр диэни үйэбэр билбэтэҕим. Уолбаҕа үлэлиир кэммэр Анна Васильевна Хоноехова элбэххэ үөрэппитэ, үгүһү сүбэлээбитэ, олус эйэҕэс этэ, истиҥник сыһыаннаһара. Уолба оскуолатыгар үлэлиир кэммэр фермаҕа агитаторынан, ыччат комсомольскай куруһуогар пропагандиһынан, оскуолаҕа художественнай самодеятельность тэрийээччитинэн о.д.а. үлэлэргэ кыттыбытынан барбытым.

1961-74сс. Баайаҕа орто оскуолатыгар завуһунан үлэлээбитим, «Оскуола уонна төрөппүт» диэн нэдиэлэҕэ биирдэ радиохаһыаты таһаарарым, дьахтар комитетын председателинэн, оскуолатааҕы партийнай тэрилтэ секретарынан, өр сылларга лекторскай группа салайааччытынан, киин штаб начальнигынан ананан үгүс дьону кытта алтыспытым. Нэһилиэк советын депутатынан иккитэ талылла сылдьыбытым. Нэһилиэккэ буолар лекцияларга, политдьарыктарга, агитатордар, лектордар семинардарыгар, тематическай биэчэрдэргэ барытыгар көхтөөхтүк кыттарым.

1974-81сс. Ытык-Күөл аҕыс кылаастаах оскуолатыгар завуһунан, директорынан үлэлээн кэллим. Бу үлэлиир кэммэр пропагандиһынан, түөрт сыл партийнай тэрилтэ секретарынан, партия райкомун иһинээҕи штаты таһынан партийнай комиссия председателинэн, партия райкомун чилиэнинэн, профсоюз райкомун чилиэнинэн, аттестационнай комиссия чилиэнинэн, лекторынан, төрөппүт комитетын чилиэнинэн үлэлиибин.

25 сыл устата үлэлээн кэлбит кэммэр улахан да, кыра даҕаны коллективтар үлэлэрин салайсарбар бэйэбэр улахан ирдэбиллэри туруорабын:

  • дьон үлэтин сыаналааһыҥҥа барыта толору кырдьыктаах буоларыгар;

  • үлэлээбит үлэ түмүгэ көстөр, суоллаах-иистээх буоларыгар;

  • коллектив хас биирдии чилиэнигэр болҕомтолоохтук сыһыаннаһарга;

  • коллектив доруобай, бэйэ-бэйэни өйдөһөр, коммунистическай өйүнэн-санаанан салайтарар буоларыгар.

  •  

     

    Т.С. Макаров,

    «В.И. Ленин100 сааһыгар» үбүлүөйүнэй бэлиэ хаһаайына,

    үлэ ветерана

     

     

     

    Биґиги а±абыт Святослав Тихонович Макаров 1931 сыллаахха алтынньы 23 кµнµгэр Ытык Кµілгэ холкуостаах дьиэ- кэргэнигэр кµн сирин кірбµтэ. Ытык Кµіл орто оскуолатын бµтэрэн Дьокуускайдаа±ы пединститутка µірэнэ киирбитэ. Ґірэнэр кэмигэр спордунан утумнаахтык дьарыктаммыта. Тустууга, атах оонньуутугар, волейболга миэстэлэспит туоґу суруктарын кэнники булан ыламмыт, а±абытынан киэн туттуубут іссі ордук кµµґµрбµтэ. Уопсайынан, кини бэйэтин туґунан кэпсэнэрин букатын сібµлээбэт , олус сэмэй киґи этэ.

    Пединституту бµтэрэн баран араас сылларга Ытык Кµіл, Чіркііх, Уолба оскуолаларыгар учууталынан, дириэктэри солбуйааччынан, директорынан µлэлээбитэ. Ити сыралаах µлэтэ, кэмигэр сыаналанан, «Бочуот Знага» уордьанынан на±араадаламмыта. Кини µірэппит о±олоро учууталларын наґаа таптыыллара, убаастыыллара. «Эґиги а±а±ыт маннык кэпсээни кэпсээтэ, бу кинигэни уруокка аахта, маннык диэн сµбэлээтэ»- диэн µірэтэр о±олоро кэпсээтэхтэринэ, кинилэргэ ымсыырыах, ордук саныах да курдук гынар этибит.

    А±абыт ийэбитинээн, Ада Федотовна Рахлеевалыын холбоґон, ыал буолан, алта о±о±о кµн сирин кірдірбµттэрэ. Олортон саамай улахаммыт Валя уонна саамай кырабыт Ваня адьас кыраларыгар олус хомолтолоохтук ыалдьан іліннір, бары да±аны улахан охсууну ылбыппыт. Билигин баар тµірт о±оттон µґэ, а±аларын туйа±ын хатаран, учуутал идэтин баґылаан ситиґиилээхтик µлэлии сылдьаллар.

    Люба - Дьокуускай куорат 17-с нµімэрдээх орто оскуолатын алын кылааґын µрдµк категориялаах учуутала, СР µірэ±ириитин туйгуна, 2008 сыллаахха РФ чулуу учуутала, РФ Президенын Гранын, Ил Тµмэн, Саха Республикатын правительствотын Бочуотунай грамоталарын хаьаайката.

    Семен - Таатта улууґун µірэ±ин салалтатын специалиьа, СР µірэ±ириитин туйгуна.

    Шура-Тааттатаа±ы гимназия±а нуучча тылын учуутала, СР µірэ±ириитин туйгуна, «Сыл бастыІ учуутала» республиканскай кµрэх лауреата, «Учууталлар учууталлара» анал бэлиэ хаґаайката.

    Биьиги а±абыт бары іттµнэн дэгиттэр талааннаах этэ. Гармошка±а, баяІІа талбыт оонньуура, Петр Васильевич Толстяков салайар Чіркііх самодеятельнай драмтеатрыгар, Уолба оскуолатын иґинэн тэриллибит драмкружок актыыбынай оонньооччута этэ, оруолларын олус итэ±этиилээхтик оонньоон, кірііччµлэр заалга сарылаґа, о±олор ытаґа олороллоро ійбµтµгэр хаалан хаалбыт. ҐрµІ эпписиэрэ буолан, сыана±а хаамыталаан лиґиргэттэ±инэ, хамсанна±ынэ- имсэннэ±инэ, онноо±ор мин, о±ото киґи, куттанар этим.

    Эт-хаан іттµнэн эргиччи сайдыылаа±а. Олус учугэйдик волейболлуура, мас тардыґара. Таатта оройуонугар кіІµл тустуу сайдарыгар улахан кылаатын киллэрсибитэ. Чіркііххі µлэлиир сылларыгар тустуу секциятын тэрийэн µлэлэппитэ. Элбэх кµµстээх тустууктары иитэн таґаарбыта. Олор истэригэр классическай уонна кіІµл тустууга СССР спордун маастара Калистрат Владимиров, кіІµл тустууга СССР спордун маастара Николай Григорьев, Иван, Михаил Слепцовтар, Григорий Пономарев, Николай, Юрий Борисовтар, Виктор Протопопов, Владимир Неустроев уонна да атыттар бааллар. Элбэх оройуон, республика чемпионнара, призердара иитиллибиттэрэ. БастыІ µірэнээччитэ Калистрат Владимиров ССРС спордун маастарын µрдµк аатын Таатта тустууктарыттан бастакынан ылары ситиспитэ. Бэйэтэ оройуон хас да тігµллээх чемпиона, республика±а тиийэ кµрэхтэспитэ. Владимир Данилов диэн сахаттан биир бастакы ССРС спордун маастара, Саха сиригэр кіІул тустуу сайдыбыта 55 сыллаах тэрээґинигэр сіп тµбэґиннэрэн, Святослав Тихонович Макаровка, саатар ілбµтµн кэннэ бочуоттаах аатта инэриэххэ диэн туруорсан кірбµтэ, µіґээІІи салалта іттµттэн ійібµл ылбата±а. Ол да буоллар, биьиги а±абыт суола-ииґэ сутэн хаалбатах, кини туґунан µтµі ійдібµл дьоІІо-сэргэ±э хаалбыт диэн астынабыт, дуоґуйабыт.

    Биґиги а±абыт, тіґі да ій-санаа, сурук-бичик улэґитэ буоллар, хара µлэттэн толлон турбата, техниканы сатыыра, билэрэ биґигини сіхтірір этэ. Онноо±ор Уолба±а µлэлии сылдьан, уоппускатыгар, Петр Алексеев аатынан совхозка комбайнерунан µлэлиирэ. Онно миигин батыґыннара сылдьан техниканы таптыырга, баґылыырга уґуйбута. Онтон сылтаан мин µірэх іттµнэн барбакка, тыраахтар да массыына киґитэ буолбутум. Ону ардыгар, сааґыран олорон, хомойор курдук гынар этэ: бостуой батыґыннараммын, ба±ар µірэхтээх киґи буолуоІ этэ –диэн. Онтукам, кини кэриэґин толорон диэх курдук, кэнники µрдµк µірэхтэнэн, билигин ол идэбинэн улэлии сылдьабын. Мантан сиэттэрэн, биир тµгэни ахтан-санаан ааґыахпын ба±ардым. А±абын батыґан бурдук быґыытыгар сылдьыґабын. Уґун ардахтар тµспµттэригэр, Уолбаттан Ытык Кµіллµµр буоллубут. Ардах-силбик бі±і. «Сиимэн» кµіл утарыта кэлэн, кэлээскэлээх матасыыкылбыт оборчо бадарааІІа батары туґэн хаалла. Араастаан хостуу сатаатыбыт да туґа суох. Саппыкыбытын кыайан бадараантан хостообот алдьархайа. Сылайдыбыт, ыксаатыбыт, ол икки ардыгар тугу эрэ сыыґа хамсанан мі±µлµннµм. Ытааґыннаах буолла. Онтон а±ам харытын ньыппарынна да бадараан тµгэ±эр хам оботторулла сытар матасыыкылбытын, глушителларыттан харбаат, бадараантан хостуу тардан баран, суол кытыытын модьо±отун µрдугэр, кэлээскэлэри майыардары, илгэн кэбистэ, бадараантан босхолонор тыаьа «паах» эрэ диэн хаалла. Мин онно соччо кыґаммата±ым, кэнники, син ону-маны быґаарсар буолан баран биирдэ ійдіібµтµм- а±ам олус да кыахтаах эбитин. Онно а±ам кэнники «эйигин ал±ас мі±іммµн, аґынаммын кµµспэр кµµс киирбитэ» диирэ

    А±абытын µірэппит о±олоро наґаа таптыыр, убаастыыр этилэр. Кірµстэххэ, кинилэр истиІ-иґирэх, µтµі-мааны тыллара сµрэхпит ортотунан киирэр, дууґабытын сылаанньытар. Кинилэр µтµі сµбэлэринэн, а±абыт аата биґиги да кэннибититтэн ааттана туруо этэ диэн, µлэлээн ааспыт Чіркііх, Уолба уонна Ытык-Кµіл 2 №-дээх орто оскуолаларын чулуу выпускниктарыгар сэмэй стипендия олохтообуппут уонча сыл буолла.

     

     

А.П. Луковцева,

Отличник народного просвещения РСФСР,

Почетный ветеран образования РС,

Старший учитель

 

«Учитель, сколько надо любви и добра,

чтобы слушали, чтобы верили,

чтобы помнили дети тебя!»

 

 

Я вижу жизнь учителя как снаружи, так и изнутри, потому что моя мама – учитель. Смотря на неё, я понимаю, что это нелегкий кропотливый труд. Моей первой учительницей и наставницей была моя мать.

С нашей школой связана вся моя жизнь. В старом двухэтажном здании я училась и начала работать. Вспоминая своё детство, в первую очередь, вспоминаю своих любимых учителей – это Семен Тихонович Макаров, Долорес Николаевна Андросова, Виктор Егорович Кузьмин, Нина Прокопьевна Андросова, Геннадий Николаевич Незнаев и др., их добрые взгляды, справедливые замечания. Именно они дали хороший старт моей школьной жизни.

После окончания школы поступила в Якутское педагогическое училище №1, школьное отделение на заочное обучение.

В 1969 г. пришла работать в родную школу. Вера Васильевна вновь стала моим учителем и наставником. У неё я научилась мастерству педагога.

Пять лет я работала воспитателем интерната. Чтобы обогатить опыт педагогической работы давала уроки в классе Веры Васильевны, тогда мать работала с двумя классами параллельно.

А в 1975 г. дали первый класс. С тех пор до ухода на пенсию работала учительницей начальных классов.

Первые годы работы было трудно. Но Вера Васильевна вселила в меня уверенность, поставив «отлично» за первый урок. Как мы готовились, писали подробные планы-конспекты, подбирали материал к уроку, делали наглядные пособия, это всё потом пригодилось.

Мастерство учителя приходит с годами. Помню свои первые уроки, первых учеников, их было 27 первоклассников, которых мне доверили. Большое внимание уделяла на адаптацию первоклассников, старалась вселить в них уверенность, раскрыть и развить их способности. Преодолеть эти трудности помогли мне трудолюбие, серьёзное отношение к делу, любовь к детям, поиски нового и самообразование.

Очень я благодарна учителям – ветеранам педагогического труда, с которыми вместе работала. Это Мария Николаевна Охлопкова, Клавдия Степановна Винокурова, Мария Гаврильевна Слепцова и др. Эти добрые, отзывчивые талантливые учителя помогали советами, посещала их уроки.

Главными помощниками были родители. В своей работе привлекала -->

Форма входа
Календарь
«  Сентябрь 2017  »
ПнВтСрЧтПтСбВс
    123
45678910
11121314151617
18192021222324
252627282930
Случайное фото
Случайное фото
Баннеры
Министерство образования и науки Российской Федерации

Управление образования Таттинского улуса

Федеральный портал "Российское образование"

Единое окно доступа к образовательным ресурсам

Единая коллекция цифровых образовательных ресурсов
Федеральный центр информационно-образовательных ресурсов
йойойой йойойойййй

Copyright МБОУ Ы-КСОШ №2 © 2017
Хостинг от uCoz