Суббота, 18.11.2017, 02:39
Приветствую Вас Гость | RSS

Ытык-Кюельская СОШ №2 им Д.А. Петрова

Меню
Альбомы
Статистика

Онлайн всего: 1
Гостей: 1
Пользователей: 0

Ахтыылар 5

А.П. Ючюгяева,

отличник образования РС(Я), Почетный ветеран системы образования РС

 

 

В Ытык-Кюель я приехала в 1980 году, работала учителем ИЗО, черчения.

С 1980-1982 гг. директором школы была Слепцова Христина Ананьевна. Христина Ананьевна была хорошим директором. Умная, добросовестная, принципиальная, веселая, когда надо тактичная, ее уважали в коллективе. Она ко всем находила подход.

До 1992 года я руководила МО учителей обслуживающего труда, черчения, ИЗО. С 1980-1984 гг. также заведовала кабинетом черчения. В смотре кабинетов всегда занимала призовые места. В 1982-1984 гг. проводила улусные олимпиады по черчению, тогда инспектором РОНО по труду и черчению была Нохсорова Л.У. Мои учащиеся активно принимали участия в олимпиаде и стали победителями второго заочного тура XIX Якутской республиканской олимпиады по черчению: Андросова Лира (7 кл.), Дедюкина Клара (7 кл.). На республиканской олимпиаде Дедюкина Клара (7 кл.). заняла II место. В эти годы проводила школьные, улусные открытые уроки по черчению, ИЗО.

С 1985 года я стала вести уроки обслуживающего труда. Оформила кабинет и на смотре кабинетов занимала II, IV места, была награждена Почетной грамотой. Мои учащиеся Атасыкова М. участвовала в республиканской выставке, а Тимофеева А. была награждена Почетной грамотой. Также успешно участвовали на конкурсах рисунков: в 1982 г. награждена Почетной грамотой по итогам конкурса «Моя Родина СССР», в 1987 г. учащиеся занимали призовые места на конкурсе, посвященном к 70-летию Великого Октября.

Активное участие принимала в семинарах, курсах по черчению, ИЗО и обслуживающему труду. Читала доклады, лекции для учителей: «Олимпиада по черчению», «Эстетическое воспитание по ИЗО», «Оформление кабинетов по черчению», «Наглядное пособие на уроках черчения».

Постоянно участвовала на фестивалях улуса и занимала призовые места.

Мы, МО трудовиков, где входили Шуткин А.С., Голиков Н.Н., Максимов А.С., Никифорова А.Е., Петрова А.П., Салгынов Ф.С. работали дружно, слаженно, постоянно помогая друг другу.

Мастерскую в школе открыли в 1991 году.

А. А. Баланов,

СР үөрэхтээһин эйгэтин Бочуоттаах ветерана,

тыыл, спорт ветерана.

(ахтыыны суруйда кыыһа М.А. Ефимова)

 

Мин аҕам Алексей Алексеевич Баланов 1932 сыллаахха Дьокуускай куоракка төрөөбүтэ. 0ҕо сааһыттан Таатта улууһугар олорон Ытык-Күөл орто оскуолатын бүтэрбитэ. 1958 сыллаахха Саха государственнай университетын историко - филологическай факультетын бүтэрэн история учууталын идэтин ылбыта. 1955 -2004 сылга дылы, 49 сыл устата, үүнэр көлүөнэни иитиигэ, үөрэтиигэ олоҕун анаан, история учууталынан , директорынан, военругунан , саахымакка тренеринэн үлэлээн кэллэ.

Өр сылларга үлэлээбит үлэтэ «Үөрэхтээһин эйгэтин Бочуоттаах ветерана»,

«Спорт ветерана»бэлиэлэринэн , улэ,тыыл ветерана ааттарынан бэлиэтэммитэ.

Спорт өттүгэр ыстаҥаҕа , хайыһарга оройуон ыччаттарын ортолоругар

чемпион. Саахымакка I спортивнай разрядтаах, Таатта оройуонун 12 төгүллээх саахымакка чемпиона. Элбэх күрэхтэһиилэр кыттыылаахтара. Алта оҕо амарах аҕата, уон алта сиэн эһэтэ, түөрт хос сиэннээх. Кэргэнин Варвара Сергеевнаны кытта бииргэ олорбуттара 50 сылынан Саха Республикатын Правительствотын иһинэн ЗАГС Управлениетын «Килбиэннээх дьиэ кэргэн» бэлиэнэн на5араадаламмыттара.

Ытык - Күөл 2 № дээх орто оскуолатыгар Алексей Алексеевич 1981 сылтан историк учууталынан улэлээбитэ. Директор Слепцов Александр Александрович Чьямов Иннокентий Петровиһы, Макаров Святослав Тихоновиһы, Слепцова Александра Порфирьевнаны, Захарова Диана Афанасьевны, Кононов Владимир Ильиьы, Аммосов Михаил Михайловиьы, Луковцева Анна Дмитриевнаны кытта бииргэ улэлээбитэ. Шахмат секциятын ыытар этэ. “Голиков Николай Николаевичтыын хас куьун аайы о5олору Харбалаахха хортуоска хостооьунугар практикаҕа илдьэр этибит”,- диэн ахтар. Туристическай улэ, походтар, эскурсиялар элбэхтэ буолаллара.

Улуустааҕы музейдары харыстыыр общество солбуйааччытынан улэлиир кэмигэр Уваров Иннокентий Алексеевич музейдары тэрийэр киэн ис хоһоонноох үлэтигэр күүскэ көмөлөспүтэ. Улахан дьон политүөрэ5ин пропагандиһынан өр сылларга таһаарыылаахтык үлэлээбитэ.
 

Р. С. Жиркова,

СР үөрэҕириитин туйгуна,

педагогическай үлэ ветерана

 

Сайаҕас сыһыан – үлэҕэ ситиһии ыллыга

 

Билии биэрэр, такайар оскуолаҕа үлэлиир кэмнэрбэр сайаҕас, тустаах үлэлэригэр бэриниилээх, идэлэрин бигэтик баһылаабыт учууталлары кытта алтыспытым. 80-с сылларга аҕыс кылаастаах оскуолаҕа дириэктэринэн Х. А. Слепцова, В.Н. Наумов, лаборантканан З. А. Меккюсярова, библиотекарынан Т. И. Хордогосова – Винокурова, черчение учууталынан А. П. Ючюгяева, математиктар Чьямов И.П., А. П. Слепцова, К. М. Попова уо. д. а. айар үлэ умсулҕаныгар ылларан күүстээхтик үлэлээбиттэрэ. Мин химия, биология уруоктарын таһынан, кылаас салайааччытынан сүрдээх сэргэх, билиэн-көрүөн баҕалаах, салайар үлэҕэ ыбаахтаах оҕолору кытта түөрт сылы билбэккэ аһарбытым. Пионерскай сорудаҕы «Первая учительница с. Ытык-Кюель А. С. Свинобоева» туһунан матырыйаалы үс звено үс сылы быһа хомуйан туттарбыттара. Ол эрээри, хомойуох иьин, баай сонуннардаах хомуурунньукпут сүтэн хаалбыт этэ. «Живет рядом ветеран!» десаннары тэрийэрбит. Саас аайы велосипедынан походтуурбут. Туристическай суоллары, айаннары толкуйдуурбут. Предметнэй олимпиадаларга (химия, математика, география, биология, физика) кыттарбыт. Тоня Тистяхова өрөспүүбүлүкээнискэй олимпиадаҕа биологияҕа III миэстэ буолан турар (8 кыл), улууска I миэстэ. Аэлита Постникова, Оксана Черкашина, Таня Шарина, Лиза Свинобоева пионерскай этэрээт бэрэстээтэлинэн хоһууннук бары дьыаланы дьаһайаллара. Звеньевойдар Толя Слепцов, Коля Местников, Андрей Тарабукин сатабыллаахтык салайаллара. Общественнай сорудахтары Оксана, Андрей Петровтар, Владик Осипов, Яна Савватеева уо. д. а. эрэллээхтик толороллоро. Ити курдук, иллээх-эйэлээх кэми аһаран, улаатан-сайдан 1 №-дээх орто оскуолаҕа тахсыбыттара.

Политехническэй методическай холбоһук үрдүк таһымҥа улууска биллэр гына үлэлиирэ. Салайааччынан педагогическай коллективка уонна төрөппүттэргэ ытыктабылынан туһанар, үгүс үөрэтии ньымаларын тарҕатар, математика учуутала Н. М. Попова этэ. Кини Москуоба курдук куоракка ВДНХ «Педагогика» быыстапкатыгар уоппускатын аҥаарын ыытара. Арассыыйа биллэр педагогтар үлэлэрин сүүмэрдээн аҕалан үөрэтэрэ уонна ирдиирэ. Бу кэмҥэ ылбыт уопуппун кэлин Уус Таатта орто оскуолатыгар, онтон Дьокуускайга Н. А. Алексеева Ааптарскай оскуолатыгар ситиһиилээхтик айымньылаахтык туһаммытым.

Бииргэ өйөнсөн, көмөлөсүһэн үлэлээбит үөлээннээхтэрбэр барҕа махтал тиэрдэбин. Бу орто туруу- бараан дойдуга бааллар да, суохтар да дириҥ суол-иис хааллардахтара. Кумааҕыга бичиктэнэн суруллубатах да буоллаҕына, үөрэппит-ииппит оҕолорбутугар хатаннаҕа-хааллаҕа. Салгыы кэлэр кэнчээри ыччаттарга, чараас эйгэнэн нөҥүө салҕанан бара туруо да буоллаҕа!

 

Н.Д. Осипова,

РФ уопсай үөрэхтээһинин Бочуоттаах үлэһитэ,

Учууталлар учууталлара.

 

 

Үлэлээбит сылларбын үчүгэйдик саныыбын.

 

Мин 1982 сыллаахха Ытык-Күөл аҕыс кылаастаах оскуолатыгар үлэбин нуучча тылын уонна литературатын учууталынан саҕалаабытым. Эдэр учуутал буоламмын 5,7,8 кылаастары биэрбиттэрэ. БэҺис кылаастары нууччалыы программанан, атыттары РФ национальнай оскуолаларга программатынан үөрэтэн барбытым.Оччолорго нуучча кылаастарыгар элбэх оҕо үөрэнэр этэ 36-лыы, 40-нуу оҕоҕо тиийэ, саха кылаастарыгар аҕыйах этилэр. Үлэлии сылдьан, уоппускаҕа бара сылдьыбытым, онтон салгыы 1984 с. балаҕан ый 1 күнүттэн учууталлаан барбытым.Икки бэһис кылааьы (нуучча кылаастара), биир сэттиһи биэрбиттэрэ. Биир программалаах буолан бэһистэргэ үлэлиир үчүгэй этэ, 28-тыы үөрэнээччилээх этим: 1-3 программанан начальнай кылааска үөрэммит оҕолор этэ, онон бары тэҥ соҕус билиилээх, үөрэххэ үрдүк мотивациялаах оҕолор этэ. Бу икки кылааһы биэс сыл, аҕыс кылаастаах оскуоланы бүтэриэхтэригэр дылы, үөрэппитим, биир 5 кылааска салайааччы буолбутум. Оскуола үлэтигэр барытыгар кыттарбыт, наар П. Морозов аатынан правофланговай этэрээт этибит, командирдарбыт “незаменимайдар”- Сизых Галя, Пинигина-Стручкова Алена. Үөрэх туйгуннара Егорова Айта, Чьямова Наташа, Баишева Лена, кинилэртэн хаалсыбаттара: Сизых Галя, Николаева Марина, Ноттосова Айта, Бравин Дима, Захаров Сережа,Прокопьев Вова, Стручкова Алена Кычкин Коля, Огонеров Коля, Наумов Коля, Иванов Дима, Богатырева Алена- мин саамай киэн туттар үөрэнээччилэрим, билигин бары олоххо суолларын булунан, араас хайысхаҕа айымньылаахтык үлэлии сылдьаллар. Ити кэмҥэ бииргэ үлэлээбит коллегаларым нуучча тылын учууталлара Э.Х.Кашкина, Л.С.Макарова, С.Н.Колтовская, С.Д Турнина, Винокурова Л.П, Данилова Р.С. методическай холбоҺукка үлэбитин оччотооҕу ирдэбилгэ эппиэттиир гына тэрийэрбит. Үөрэх завуһунан Корнилова Р. Н үлэлээбитэ. Ити кэмҥэ оскуолаҕа нуучча тылыгар саамай киэн туттар учууталбыт Колтовская Светлана Николаевна этэ. Кинилиин биир кабинекка үлэлээбиппит, уруоктара дириҥ ис хоһоонноох, иитэр суолталаах буолаллара. Светлана Николаевна оҕолору наһаа таптыыра, үлэтигэр букатын эрдэ кэлэрэ, хойут барара, куруутун оҕо батыһыннарыылаах буолара, күлэн-үөрэн, кэпсээн-ипсээн уопсайдар тастарынан ааһааччылар.

Өссө Попова Нина Михайловнаны өйдөөн хаалбыппын. Кини методическай үлэни оскуолаҕа сүрүннээччи, салайааччы этэ, завучтуур кэмигэр элбэх саҥа идеялаах буолара, эдэр учууталларга саҥа ирдэбиллэри туруоран уруоктарга тиһигин быспакка сылдьара, ырытара олус туьалааҕа. Мин ити кэмнэргэ «Работа со словом на уроках русского языка» диэн дакылаатым биһирэнэн ЯРИУУ Почетнай грамотатын ылбытым.

Кэлин ЫК 1№дээх оскуолатыгар үлэлиир коллегаларбытын кытта “методический обмен” диэн хайысханан бииргэ үлэлээбиппит, оччолорго үлэ үөһүгэр сылдьар республикаҕа, улууска аатырар бастыҥ учууталлар Васильева Ираида Игнатьевна, Хатылыкова Ксения Анисимовна, Быллырытова Александра Петровна, Жулева Дора Федотовна уруоктарыгар сылдьарбыт. Кинилэр биһиги уруоктарбытыгар сылдьан дириҥник ырыталлара, методическай көмө оҥороллоро. Методическай темаларбыт үксэ “Оптимизация, активизация образовательного процесса на уроках” диэн этилэр.

Мин наар орто звеноҕа үлэлээбит эбиппин, кэлин оскуолабыт орто оскуола буолбутун кэннэ аҕыйах сыл 10-11 кылаастары үөрэппитим, онно программата олох атын, наһаа обьемнай этэ, үксүн литература буолан элбэх ааҕыыны ирдиирэ.

Оскуолабар, улууска методическай холбоьуктарга салайааччынан үлэлээбитим: араас таһымнаах тэрээһиннэри, аһаҕас уруоктары, ааҕыылары ыытарбыт. Методическай үлэ кустовой этэ, ол аата чугас олорор нэһилиэктэр холбоһон үлэлэрин ыыталлара. Биьиги УУО методистарын кытта уруоктарга сылдьар этибит, көмө оҥорорбут. Ордук үчүгэйдик ол саҕана олимпиадаҕа, ааҕыыларга кыттыы буолара. Онно Харбалаах орто оскуолатыттан Блахирова Валентина Викторовна, Хара-Алдан орто оскуолатыттан Захарова Варвара Ивановна, Дьохсоҕон орто оскуолатыттан Григорьева Лидия Егоровна, Ытык- Күөлтэн Макарова Лидия Семеновна, Лопатина Альбина Ивановна бэлэмнээбит оҕолоро үчүгэй түмүк биэрэллэрэ. Эдэр, оччолорго саҥа ааттара ааттанан эрэр учууталлар Кащкина Эмма Хрисанфовна, Боппосова Зоя Петровна, Дягилева Зинаида Ивановна, Эртюкова Виктория Ивановна, Федорова Александра Алексеевна, Федорова Галина Иннокентьевна, Петрова Надежда Васильевна, Турнина Саргылана Дмитриевна билигин туспа суоллаах -иистээх улуус, регион, республика, федерация киэн туттар учууталлара буоллулар.

1998-1998 сс. Тааттатааҕы гимназия базатыгар “Адаптивная система обучения” диэн республиканскай конференция буолбута, онно наһаа да элбэх киһи кэлбитэ, ол дьону ыалларынан түһэрэн түбүк бөҕөнү көрсүбүппүтун өйдүүбун. Онтон 2000 сылы көрсө Дьокуускай куоракка «А.С.Пушкин: диалог культур» диэн конференцияҕа кыттан Саха республикатын Правительствотын махтал суругун ылбыппыт.

1999-2000 сылтан оскуолабар директоры иитэр үлэҕэ солбуйааччынан айымньылаахтык үлэлээбитим. Билигин санаатахпына, салайар үлэҕэ хамаанданан үлэ үчүгэй түмүктэри аҕалар эбит, биир санаалаах, уопсай тылы булар уонна өйөнсөр буоллаххына үлэҥ биллэ чэпчиир. Директорынан бастаан Агаблев П.Н., Сивцев С.С., онтон Гоголев В.И., директоры үөрэх чааһыгар солбуйааччынан Охлопкова З.П., психолог-педагогунан Сокольникова М.С., социальнай педагогунан Афанасьева П.И., оҕо хамсааһынын тэрийээччинэн Протодьяконова А.Н. буолан сүрдээх эйэлээхтик үлэлээбиппит. Бу инновационнай хамсааһыннар тэтимнээхтик киирэн эрэр кэмнэрэ этэ, онон биһиги эмиэ саҥа проегы киллэрэн - уолу, кыыһы арааран үөрэтиини- саҕалаабыппыт. Ол саҕана оҕо ахсаана, эр дьон учуутал ахсаана тахсыһар этэ. Бу проегынан расписаниены, кылаас арахсыытын Зинаида Петровна, үлэ бөҕөнү көрсөн, сүрдээх үчүгэйдик оҥорбута: подпрограмма бөҕө баара, социальнай-психологическай служба күүстээхтик үлэлээн барбыта. Үөһээ кылаас оҕолоруттан бэйэни салайыныыны, бэрээдэги ирдиир этибит., элбэх тэрээһиннэри, дискотекалары ыытарбыт, линейкалары понедельник ахсын, тиһигин быспакка, икки сменанан оҥорорбут , понедельникка старостат буолара.

Нэдиэлэ бүтэһигэр линейкаҕа улахан түмүк тахсара. Ону таһынан элбэхтэ педагогическай консилиум ыытарбыт, уолаттары эр дьоҥҥо сыһыаран сахалыы сиэргэ-туомҥа үөрэниини, күһүн-саас булка-балыкка төрөппүттэрин кытта сылдьыыны тэрийэр этибит. Кыргыттар дьиэ үлэтигэр, иискэ, аһы астыырга- харайарга үөрэнэллэригэр олук уурбуппут. Ити кэмҥэргэ үөрэммит оҕолорбут билигин үчүгэй салайааччы, үлэһит, бэйэлэрин олоххо булбут дьон буоллулар. Ытык-Күөл 2№дээх оскуолата мин олохпор, үлэбэр элбэҕи биэрдэҕэ дии. Манна мин 7 сыл үөрэнэбин, 25 сыл үлэлиибин, онон миэхэ олох “родной” оскуолам буолар, куруутун сураһа, ахта- саныы сылдьабын, төһө өйүм -санаам кыайарынан көмөлөһөбүт.

2002-2003 үөрэх сылыттан улуустааҕы үөрэҕирии салалтатыгар үлэлиибин. Зинаида Петровналыын үлэлээбит оскуолабыт үчүгэйдик үөрэнэр оҕолоругар уонна бастыҥ общественниктарыгар стипендия аныыбыт уонна ыам ыйыгар «Бүтэһик чуораан» күнүгэр туттарабыт.

 

С. Н. Колтовская,

СР үтүөлээх учуутала

 

Ытык Күөл 8 кылаастаах оскуолатыгар үлэлээбит сылларым туһунан.

Ытык Күөл 8 кылаастаах оскуолатыгар 1982 сылтан үлэлээбитим, эдэр, эрчимнээх сылларым бу коллективка ааспыттара. Директорбыт Слепцова Христина Ананьевна этэ. Сүрдээх лоп-бааччы саҥалаах, ирдэбиллээх, айымньылаах үлэһит этэ. Ол саҕана ветеран учууталлар Макаров Святослав Тихонович, Чьямов Иннокентий Петрович, Павлова Лидия Семеновна, Слепцова Александра Порфирьевна уо.д.а. бааллара. Оскуола библиотекара Винокурова Татьяна Ивановна кылаас салайааччыларын, учууталлары кытта ыкса сибээстээхтик үлэлиирэ. Саха да, нуучча да литературатын уруоктарыгар куруук быыстапка, суруйааччылар олохторун туһунан бэсиэдэ оҥороро. Оҕолор кинигэ ааҕаллара маассабай буоларын ситиһэрэ.

Коллектив баһыйар өттө эдэр учууталлар этибит. Туох баар үлэҕэ көхтөөхтүк ылсарбыт, үөрэтэр-иитэр үлэбит таһаарыылаах буоларыгар дьулуһарбыт. Ордук өрө күүрүүлээхтик үлэлээбит сылларбыт Нина Михайловна Попова завучтаабыт кэмигэр эбит. Кини сайын аайы дойдутугар Нижнэй Новгород (Горькай) куоракка баран, саҥа идеялаах, саҥа методиканы билэн кэлэрэ уонна биһигини үөрэтэрэ. Математика учуутала буолан баран, ханнык баҕарар предмеккэ сүбэ биэрэрэ. Улууска бастакынан Шаталов опорнай схемаларынан үлэлээһин методикатын, Бабанскай оптимизациятын үөрэтэн, элбэх аһаҕас уруогу биэрэрбит. Ити сылларга саамай улахан ситиһиибинэн республикатааҕы нуучча тылын олимпиадатыгар нууччалыы тыллаах кылаастарга үөрэнээччим Аржакова Жанна 3-с миэстэни ылбыта буолар. Ити олимпиада уратыта диэн очнай форманан Дьокуускай куоракка буолбута. Дэриэбинэ оҕото Дьокуускай, Мирнэй куораттарын олимпиадниктарын кэннэ үһүс миэстэ буолуута кини нуучча тылыгар чиҥ билиитин туоһутунан буолбута.

1984 сыллаахха оччотооҕу директор Василий Никифорович Наумовтыын оскуолабытыгар аан-бастаан «Эллада-84» үлэ-сынньалаҥ лааҕырын тэрийбиппит. Изабелла Алексеевна Товаровалыын 28 оҕону илдьэ Дьохсоҕоҥҥо, оччолорго Дмитрий Ананьевич Петров аатынан отделениеҕа, хаппыыста үүннэриитигэр үлэлээбиппит.

Нөҥүө сылыгар оҕолорбун кытта производственнай бригада тэринэн, дуогабарынан кирпииччэ үктээһинигэр үлэлээбиппит. Онтон 1986 сыллаахха Уолба 8 кылаастаах оскуолатын кытта холбуу «Сыһыы-86» ЛТО тэрийэн үлэлэппиппит. Бу лааҕырга 30 оҕоттон аҥаара биһиги оскуолабыт оҕолоро этилэр. Бэйэм классруктуур 7-ис кылааһым оҕолоро, Уолба оскуолатын математикаҕа учуутала Белина Галина Васильевнаны кытта биир ый кэриҥэ сүрдээх үчүгэйдик үлэлээбиппит.

1984 сылга «Ровесник» диэн агитбриганы тэрийбитим. Агитбригада оҕолоро араас конкурстарга, фестивалларга оскуолаларын аатын элбэхтик ааттаппыттара.

Ол кэмнэргэ кылааһынан соҕуруу араас куораттарынан экскурсияҕа сылдьыы элбэх буолара. 1986 сыллаахха барыта 28 оҕону илдьэ М.Ю.Лермонтовка аналлаах литературнай миэстэлэринэн күүлэйдээн кэлбиппит. Москва, Нальчик, Кисловодск, Пятигорск куораттарга күүлэйдээбиппит, Лермонтов дуэльга өлбүт сиригэр Машук хайаҕа тахса сылдьыбыппыт. Кавказ айылҕатын, кэрэ миэстэлэрин сөбүлээн, дуоһуйа сынньанан кэлбиппит. Тимофеева Людмила Николаевна диэн нуучча тылын учууталын кытта 6-7-ис кылаас оҕолорун илдьэ сылдьыбыппыт. Бэйэм кылаастарбын илдьэ иккитэ «Ленские столбы» теплоходунан күүлэйдээн кэлбиппит.

Коллективпыт наһаа түмсүүлээх буолан араас субуотунньуктарга, фестивалларга көхтөөхтүк кыттарбыт, гастролларга сылдьарбыт. Саамай өйдөөн хаалбытым концерт бэлэмнэнэн Харбалаахха гастроллаан кэлбиппит буолар. Александра Титовна Иванова гимнастическай номердара, Анна Петровна Ючюгяева индийскэй үҥкүүтэ, Ирина Семеновна Слепцова сценкаҕа оонньооһуна дохсун ытыс тыаһынан доҕуһуолланара.

1992 сыллаахха илин эҥэргэ бастакынан тэриллибит Таатта гимназиятыгар ыҥырыллан, директоры иитэр үлэҕэ солбуйааччынан үлэлии барбытым.

Тапталлаах оскуолам 50 сыллаах юбилейынан эҕэрдэлээн туран, педколлективка, үөрэнээччилэргэ өссө улахан ситиһиилэри, айымньылаах үлэни баҕарабын. Өрүү даҕаны түбүктээх үлэҕит түмүктэрдээх буоллун, дьолу-соргуну, кытаанах доруобуйаны баҕарабын!

 

 

 

 

 

 

 

 

 

Форма входа
Календарь
«  Ноябрь 2017  »
ПнВтСрЧтПтСбВс
  12345
6789101112
13141516171819
20212223242526
27282930
Случайное фото
Случайное фото
Баннеры
Министерство образования и науки Российской Федерации

Управление образования Таттинского улуса

Федеральный портал "Российское образование"

Единое окно доступа к образовательным ресурсам

Единая коллекция цифровых образовательных ресурсов
Федеральный центр информационно-образовательных ресурсов
йойойой йойойойййй

Copyright МБОУ Ы-КСОШ №2 © 2017
Хостинг от uCoz