Воскресенье, 24.09.2017, 04:58
Приветствую Вас Гость | RSS

Ытык-Кюельская СОШ №2 им Д.А. Петрова

Меню
Альбомы
Статистика

Онлайн всего: 1
Гостей: 1
Пользователей: 0

Ахтыылар 8

В.В. Винокуров,

СР үөрэҕириитин туйгуна,

педагогическай үлэ бэтэрээнэ.

 

Үрдүккэ кынаттаабыт оскуолам

 

1991 сыл күһүнүгэр Ытык Күөл иккис нүөмэрдээх орто оскуолатыгар саха тылыгар уонна литератураҕа учууталынан үлэлиир Евдокия Иннокентьевна Татаринованы көрүстүм. Оскуолаҕа саха тылыгар уонна литератураҕа учуутал наада буоларын туһунан эттэ. Итини истэн оскуолаҕа директор И.И.Николаевка киирэ сырыттым. Аны музыка, ырыа учууталын миэстэтэ баар онно үлэлээ диэн буолла. Инньэ гынан сөбүлэһэн ырыа учууталынан үлэлиир буоллум. Ол сырыттахпына саха тылын уонна литературатын учууталын миэстэтэ эмиэ чуолкай аһылынна. Онон, отуттан тахса часка үлэбин саҕалаатым. Ити кэмҥэ уопуттаах учуутал Люция Устиновна Нохсорова µлэлии кэллэ. Нуучча кылаастарыгар төрөөбүт кыраай историятын уонна культуратын үөрэтэр. Ити сыл ортотугар көрдөһөн Люция Устиновнаны хас да уруоктарбар сырытыннардым. Барыларыгар сылдьан, истэн-көрөн баран уруок тэрээґинигэр, түмүктүүр уонна чиҥэтэр чаастарыгар санааларын саас сааһынан ыйан, сүбэлээн эттэ. Онтон ыла уруоктарым тупсан, сааґыланан истилэр. Ити кэмҥэ аны музыка, ырыа уруоктарын ыытабын. Кыра эрдэхпинэ учууталларым үөрэппит ырыаларын кылаас аайы иґитиннэрэн, µтµгµннэрэн µірэтэбин. Биирдэ Иосиф Игнатьевич «Кылааска ырыа хорунан ылланарын истибэтэх ыраатта. Дьэ, кытаат, µлэлииґиккин. Бу тэтимІин ыґыктыма» диэн эппитэ санаабын күүһүрдүбүтэ. Онтон тирэх ылан, харса суох µлэлээн, 1993 сыллаахха иккис категориялаах учуутал буолан тахсыбытым. 1992 сылтан оскуолаҕа национальнай концепциянан «Национальнай культура народов Якутии» предмет баар буолбута. Өрөспүүбүлүкэтээҕи улахан семинар биґиги улууспутугар биир нэдиэлэ устата улуус элбэх оскуолаларынан ыытыллыбыта. Дьэ, онно баара баай уопуттаах учууталлар үлэлэрин дириҥ ис хоһооно. Чымынаайы авторскай оскуола-лабораториятыгар М.П.Прокопьева, Харбалаахха А.З.Борисов, Чычымахха Е.И.Софронова, Үөһээ Бүлүүттэн сылдьар В.Н.Иванова, о.д.а. уруоктара сөхтөрбүттэрэ, элбэххэ үөрэппиттэрэ. Ону туһанан саІалыы үлэлээн барбытым. Оҕолор уруокка интэриэстэрэ тута үрдээбитэ. Онтон ыла биир да уруок ис хоґооно суох ыытыллыбакка, кэтэґиилээх уруоктар буолбуттара.

1992 сылтан бэһис кылааска тахсар төрдүс кылаастарга төрдүс чиэппэр устата учууталлара Елена Михайловна Тосинаны кытта кылаас чаастарыгар сылдьан, ыытыһан, төрөппүттэрдиин билсиһии үлэтэ саҕаламмыта. Көһөн балаҕан ыйын биир күнүгэр уруккуттан билэр оҕолорум, төрөппүттэрим кэлбиттэрэ үлэлииргэ олус үчүгэй этэ. Ити о±олорбун 1999 сыллаахха олох киэҥ аартыгар атаарбытым. Төрөппүттэр иитии үлэтигэр үгүстүк көмөлөһөллөрө. Куруутун көх-нэм буолар З.Р.Попова, М.И.Новгородова, Н.А.Хатылыкова, М.И.Другин, В.М.Сергеева, М.Н.Сысолятина, о.д.а. өйөбүл буолбуттарыгар муҥура суох махталлаахпын. Оҕолорум түмсүүлээх, иллээх, тэрээһиннээх буоланнар үлэлииргэ чэпчэки этэ. Билигин да бэйэ-бэйэлэрин өйөһөн, көмөлөсүһэн сылдьалларыттан үөрэбин. Итиннэ бастакы учууталлара Е.М.Тосина иитиитэ улахан оруоллааҕын бэлиэтиир тоҕоостоох.

Ити иһигэр оскуоланы бүтэрээри сылдьар кылааһы сыл аҥара салайбытым. Ол кылааһым оҕолоро билигин да куруутун билсиһэ, кэпсэтэ, наада буоллаҕына көмө да буолаллар. Оттон уһуннук салайбыт кылааһым оҕолоро Виталий Попов, Марианна, Лина Захаровалар, Саша Хатылыков, Федя Сергеев, Вася Цыпандин, Вова Марков, Дима Халгаев, бары да олоххо оннуларын булан, ыал-дьон буолан, бэртээхэй үлэһит буолан сылдьалларыттан, бу оҕолорго син тугу эрэ иҥэрбит, туохха эрэ үөрэппит курдук сананабын. Бары үөрэппит, кылааска салайбыт оҕолорум барахсаттар билигин ол кэмнээҕи уобарастарынан көстөн кэллэхтэринэ олоҕум кэрэ-бэлиэ кэмнэрин санаан долгуйабын, барыларын махталынан ахтабын.

Оччотооҕу бэһис кылаастан ыла үтүмэн оҕо билигин үгүстэрэ мин өйдөбүлбэр, дууһабар билигин да бааллар. Тоҕоостоох кэмнэргэ өйбөр-санаабар баар буоланнар, умнуллубат мөссүөннэрэ сырдыгынан сыдьаайаллар, олоххо тардыһыы күүһүн эбэллэр.

Ити курдук билигин «Албан Аат» орден толору кавалера Д.А.Петров аатын сүгэр Ытык Күөл орто оскуолатыгар үлэлээбит кэммэр миэхэ иитиигэ-үөрэтиигэ учуутал быґыытынан бэйэлэрэ да билбэттэринэн педагогическай маастарыстыбарын иҥэрбит бииргэ үлэлээбит дьоннорбун ааттаталыырым хайаан да наада. Предмети үөрэтиигэ, учуутал үлэтин түмэн дьоҥҥо-сэргэҕэ көрдөрөргө, уопуту тарҕатарга математика учуутала Н.М.Попова оҥорор уонна ону сааһылаан кэпсиирэ олус туһалаабыта. Ити кэмҥэ университекка кэтэхтэн үөрэнэ сылдьан педпрактикаҕа итинник оҥостон кэпсээбиппин преподавателлиин, студеннардыын олус умсугуйан истибиттэрэ, көрбүттэрэ, салгыы үгүстүк алтыһан атын да сылларга уопут үллэстэллэрэ. Нуучча тылын уонна литературатын учуутала С.Н.Колтовскаяҕа көмөлөһөн араас конкурстары тэрийсэрим. Кэлин кини гимназия көһөн үлэлии барбытын кэннэ онно саҕаласпыт тэрээһиннэрбин аны мин салайан, тэрийсэн ыытыґар буолбутум. Химия учуутала, кылааһы салайыыга улахан уопуттаах М.Н.Луковцева кылааһы кытта үлэлээһиҥҥэ миэхэ элбэҕи биэрбитэ. Кэлин оскуола±а директордаабыт физкультура учуутала П.Н.Агаблев биирдиилээн уонна кылаастарынан ис дууґатыттан ураты истиІ сыґыаннаахтык µлэлиирэ барыбытыгар холобур буолара. Киниэхэ оҕо барыта табаарыс, доҕор, тэҥнээх сэһэргэһэр киһи буоларын көрөрүм. Оҕо, төрөппүт барыта киниэхэ чугастык, эрэллээхтик сыґыаннаґаллара. Бу оскуолаҕа үлэлээбит учууталлар бары да Н.Н.Голиковы тэҥ, өссө балыс да саастаах эрээри барыбытын олоххо муударай сыґыанынан, үлэҕэ ураты эппиэтинэһинэн, хас биирдии киґиэхэ, о±о±о болҕомтолооҕунан, үлэни, сынньалаҥы, спорду сөптөөхтүк дьµірэлээн сатабыллаахтык салайар чулуу салайааччы, үтүөкэн киґи, табаарыс быґыытынан өйдүүр буолуохтаахтар. Оттон Иосиф Игнатьевич киґи быґыытынан истиҥ, эйэҕэс, аһаҕас дууһалаах эрээри, µлэ±э, олоххо, тус бэйэтигэр да ураты кытаанах, чопчу ирдэбиллэрдээх салайааччы этэ. Эр дьон учууталлары биир санааҕа сатабыллаахтык тµмптэ. Онон да буолуо, бµтµн начальнай оскуола улахан корпуґун РСУ-лары кытта маґын бэлэмиттэн са±алаан бэрт тµргэнник тутан киллэрсибиппит. Ол дьиэ билигин да сылаастык турар, лицей кэнниттэн «Чуораанчык» о±о саадын коллектива сµµґµнэн о±отун ичигэскэ кірі, иитэ-µірэтэ сылдьар.

Үөрэх чааһыгар директоры солбуйан үлэлээбит үөлээннээхтэрим мин үлэм тахсыылаах, тэрээһинэ ханнык да мэґэйдэри кірсµбэт буолуутугар оруоллара улахан. Ол курдук, Д.А.Аргунова мин саҥа үлэлиир сылларбар үгүстүк сүбэлээн, өйөөн, расписаниебын тус олохпор, атын да хамсааґыннарга талбыт кыттарбар табыгастаахтык тэрийэн үлэлэппитэ. Оттон З.П.Охлопкова салайар сылларыгар анны кэтэх сүөһүлэнэн, ол көрүүтэ-харайыыта үлэбэр мэһэйэ суох буоларыгар, уруоктарым таһымнара намтаабаттарын туґугар олус кыһаллан, уруоктарбын аттаран туроурар буолан, биирдэ да уруокка хойутаабакка, эбэтэр бүтэ охсон барарга тиэтэйбэккэ үлэлиирбэр көмөлөспүтүгэр махталым улахан. Уонча сыл улуус үөрэҕириигэ салалтатыгар бииргэ үлэлиир сылларбытыгар да эмиэ кини өйөбүлэ, сбэтэ, көмөтө суох сылдьыбатым. Кини эрэллээх табаарыс, салайааччы, µілээннээх быґыытынан элбэх кілµінэ дьоҥҥо үтүө өйдөбүлүнэн ахтылларыгар эрэллээхпин.

Бу оскуолаҕа табыллан, ис сүрэхпиттэн оҕо туґугар µлэлээбиппэр миэхэ µтµі холобур буолбут учууталлары үгүстүк ахтан-санаан кэлэбин. Кинилэр ортолоругар ахтыым саҕаланыытыгар этэн аґарбытым Евдокия Иннокентьевна туґунан. Кини µірэтэр о±олоругар сылаас, истиІ сыґыана, на±ыл, холку майгыта, ураты тэрээґиннээ±э, хаґан да тута кіміліґін, сµбэлээн, ыйан биэрэрэ, уруоктарыгар бэлэмнэнэрэ, былааннарын оІосторо миэхэ педагогическай таґымым µрдээн, кэІээн иґэригэр, µлэлээбити сурукка киллэрэн, кэлин туґанарбар оҥорбут үтүөтүгэр сүгүрүйэрбин биллэрэбин. Улуус үөрэҕириитин салалтатыгар научнай-методическай, методическай-тэрийэр, тэрийэр-кадровай салаалары салайан, улуус учууталларын, оскуолалар, оҕо саадтарын салайааччыларын, үөрэнээччилэри, үөрэхтээһин эйгэтигэр алтыһар улуус араас тэрилтэлэрин салайааччыларын кытта сөптөөхтүк алтыһан, биир санаанан салайтаран тахсыылаахтык үлэлээбиппэр бука барыларыгар, начальниктарбар Г.П.Решетниковка, Ю.С.Дедюкиҥҥа, А.Н.Мироноваҕа, үөрэхтээһиҥҥэ инновационнай хамсааһыннары киллэриигэ үрдүк таһымнаахтык үлэлээбит үөлээннээхпэр А.П.Саввиҥҥа улахан махталбын биллэрэбин.

Элякова В. Н.,

отличник образования РС(Я)

 

Моя педагогическая деятельность началась во 2 школе, в 1998 году, 19 лет назад, сразу после окончания ИМИ ЯГУ. Я проработала там всего 1 год, но у меня остались очень теплые и приятные воспоминания, я считаю 2 школу своей родной школой. Я, вчерашняя студентка, пришла в школу, мне дали 21 час информатики. Мой кабинет был совсем крохотным, он совмещался с кабинетом воспитзавуча, т.е. этот кабинет был разделен перегородкой, с одной стороны кабинет информатики, с другой, кабинет заместителя директора по воспитательной работе.

У меня было всего 4 «рабочих» компьютера IBM 386, за одним компьютером сидели по 4-5 учащихся. Но, несмотря на это, я пыталась учить ребят основам программирования, алгоритмическому мышлению, пользовательским навыкам. Я учила всех ребят, начиная со 2 класса. Тогда компьютеры дома были не у всех, поэтому я старалась, чтобы за урок все ребята хотя бы немного «прикоснулись к этому чуду», особенно маленькие, они уже на перемене прибегали в кабинет и наперебой спрашивали, чему будут учиться на этом уроке. Среди второклашек были Сидорова, ныне Михайлова Вера Юрьевна, сейчас моя коллега в Таттинском лицее. Они, маленькие, потом, поступив в гимназию, радостно удивлялись и говорили: «Вера Николаевна везде, и во 2 школе, и здесь».

Атмосфера в школе была очень доброжелательная, директором был Агаблев Прохор Николаевич, завучем Охлопкова Зинаида Петровна. Нас, новобранцев, было пятеро, я учитель информатики, Богатырева Варвара, заместитель директора по ВР, Полускин Олег, учитель физкультуры, Михайлова Анна, учитель НКНЯ, Винокурова Февронья, учитель физкультуры. Я помню «посвящение» в учителя, как почетные ветераны образования давали нам разные ситуативные задания, а потом сам Кузьмин Михаил Гаврильевич «посвящал» нас, ставил нам угольком «точку» на лбу и говорил пожелания.

Очень хорошо, во всех деталях, помню свой первый урок, в 11 «а» классе. Я до трех часов ночи готовилась, писала план-конспект урока от «здравствуйте» до «до свидания», потом перед зеркалом проговаривала все это. Ребята меня восприняли очень хорошо, хотя особенно со стороны юношей были разные вопросы «не по теме», но я, по строго отработанному сценарию «от и до» провела свой урок и была очень довольна! Сейчас это вроде смешно, а тогда это было очень волнительно и серьезно. Помню своего первого олимпиадника, Корнилова Олега, ученика 11 класса, на улусной олимпиаде по информатике он занял 2 место, после ученика гимназии, что было очень почетно!

У нас было свое МО, 4 учителя математики – Будикина Людмила Евсеевна, руководитель МО, Андреева Наталья Семеновна, Максимова Лена Николаевна, Сивцева Изабелла Александровна, и я, информатик. Мы собирались, решали и разбирали олимпиадные задачи, с интересом обсуждали проведение различных конкурсов и мероприятий. Помню неделю молодого учителя. Я провела цикл открытых уроков, как с волнением готовилась к своим первым открытым урокам, как в мой маленький «закуток» на урок пришли почти все учителя школы и директор, как потом делала самоанализ и как доброжелательно все коллеги анализировали мои уроки. Помню, как Людмила Евсеевна сказала, что из меня получится отличный учитель, и, Сивцева Изабелла Александровна сказала, что «наверно ее заберут в гимназию», ее слова оказались пророческими, уже на следующий год меня позвали в Таттинскую гимназию, ныне лицей, где я работаю и по сей день.

Все мероприятия в школе проходили очень насыщенно и интересно. Помню новый год, когда все, и дети, и учителя с таким настроением к нему готовились, школьные капустники. Запомнился литературный вечер, очень трогательно было, когда 9-классники перевели «Онегина» по своему восприятию и Татьяна Ларина заговорила на якутском языке. Помню общешкольный поход в Киэн Эбээ, очень запоминающимся был концерт выпускников.

ЫКСОШ №2 славится учителями начальных классов, я очень уважаю своих коллег, Борисову Светлану Петровну, благодарю ее и как родитель, она первый учитель моей дочери Вики, Захарову Миру Дмитриевну, Константинову Татьяну Васильевну, Луковцеву Александру Павловну за их профессионализм и любовь к профессии, воспитание многих поколений детей!

Год работы дал мне первый опыт в овладении профессии учителя, я почувствовала, что это «мое», что я «могу». Я желаю своей школе, откуда начались мои первые шаги в профессию, процветания, побед, хороших учеников, нового здания!

 

М.С. Ордахова,

СР үөрэҕириитин туйгуна

 

Бу буолаары турар үбүлүөйүнэн бииргэ үлэлээн ааспыт коллегаларбын, алтыспыт дьоммун эҕэрдэлиибин! Үлэҕитигэр ситиһиини, иллээх буолууну баҕарабын уонна үлэлээн ааспыт бэлиэбин кыратык ахтан ааһыахпын баҕарабын.

Мин 1982 сыллаахха Районоҕа үлэлии киирбитим. Оччолорго оскуола аҕыс кылаастаах этэ. Оскуолаҕа араас кэмҥэ үтүмэн үтүө үлэһит дьон үлэлээн аастахтара, үгүс үтүмэн кэлэр кэнчээри ыччат олох киэҥ аартыгар билии-көрүү ылан таҕыстахтара, бу сыалай улахан остуоруйа буоллаҕа.

Мин бу оскуолаҕа 2006 сыллаахха уларыта тутуулар, оскуолалар бухгалтерияларын туспа араартааһын буолбутугар, үөрэх салаатыгар главнай бухгалтердыы олорон, пенсияҕа тахсан баран ананан кэлбитим. Оччолорго оскуола директорынан Голиков Н. Н. үлэлиирэ. Оскуола 308 үөрэнээччилээх, алта уонтан тахса үлэһиттээх этэ. Бу кэмнэргэ араас уларыйыылар бөҕө буолбуттара, үбүлээһин оҕо ахсаанынан буолбута, хамнас ааҕыыта эмиэ оннук уларыйбыта, үөрэтии систематыгар эмиэ уларыйыы-тэлэрийии бөҕө буолбута, ааспытын кэннэ санаатахха уустук кэмнэр этилэр. Хамнас фондата төһөтүттэн көрөн икэмчи үбүлээһин саҕаламмыта, ол да буоллар Николай Николаевичтыын аттаран кыра кыратык да буоллар ремонт оҥотторон, араас аныгы үөрэх ирдэбилинэн туттуллар оборудование ыларбыт, остолобуой оборудованиета, кабинеттарга интерактивнай доскалары, учууталларга урокка тутталларыгар диэн ноутбуктары ылаттаабыппыт. Санаабытыгар, эргэ да оскуолалаах буолларбыт атын оскуолалартан хаалсыбат курдук сананарбыт, үөрэрбит.

Николай Николаевич бу оскуолаҕа саамай уһуннук, өйүн-санаатын, дууһатын сылааһын биэрэн үлэлээбит үтүө салайааччы этэ дии саныыбын. Үлэһиттэригэр, дьонноругар истиҥник сыһыаннаһара, ол гынан баран ирдэбиллээҕэ, кимиэхэ да куолаһын үрдэппэт этэ. Оскуола оҕотун барытын аатынан билэрэ мин ону наһаа сөҕөр этим. «Хайа доҕор» диэн күлэ үөрэ хайҕыыра, сэмэлиирэ, итинник оҕоҕо үтүө сыһыаны Турция үөрэх тэрилтэтигэр көрбүтүм, оҕолор директоры кытта куустуһа, сиэттиһэ сылдьан тэҥнээхтэрин курдук туттан кэпсэтэллэр этэ, бу бука дьиҥнээх педагог буолар хаачыстыба буолуо. Дьону кытта үтүө сыһыана үлэтигэр олус көмөлөөҕө, тэрилтэ салайааччыларыттан тугу эмэ көрдөстөҕүнэ аккаастаабакка кыахтарынан көмөлөһөллөрө. 2006 сыллаахха үлэлии кэлэрбэр оскуола наһаа хараҥа эргэ баҕайы көстүүлээх этэ, ону кыра кыратык өрөмүөннээн сухой штукатурканан, ДВПнан бүрүйэн иҥин сүрдээҕин тупсубута. Хас министр кэллэҕин аайы саҥа оскуола, улахан капитальнай өрөмүөн көрдөһөн сурук бөҕө суруллубута, Ворошиловка сайыҥҥы лааҕыр базата туруорсан эмиэ смета сурук бөҕө суруллубута да эппиэтэ суох сүтэн испиттэрэ, хайа кабинекка хаалбыттара буолла...

Оскуола мастерскойун бэттэх көһөрбүт киһи, ичигэс туалет туттарбыт киһи диэн проект, смета оҥотторбуппут улуус үөрэҕин салаатыгар, глава Протодьяконов М. А. сурук суруллубута да хамсааһын тахсыбатаҕа, барыта үбүлээһиҥҥэ тиийэн иннэн иһэрэ, оттон очолорго нэһилиэк бары да оскуолалара хаарбах этилэрэ.

Оскуолаҕа военнай кылаас аһыллыбыта, атын оскуолалартан уратыта диэн албан аат орден толору кавалера Д. А. Петров аатын сүгэрин быһыытынан арыый военнай-патриотическай хабааннаах буолуон баҕарара да эмиэ үбүлээһиҥҥэ тиийэн иҥнэрэ. Саас аайы Петровскай ааҕыылар буолаллара директоры инновацияҕа солбуйааччытынаан Мира Николаевна Луковцевалыын наһаа үчүгэйдик тэрийэр буолаллара. Уопсайынан да солбуйааччыларынаан наһаа тапсан үлэлииллэрэ, ол курдук Андреева Н. С. Үөрэх чааһыгар солбуйааччы, Копырина Ж. Г. Иитии-үөрэтии чааһыгар солбуйааччы. Начальнай кылаастарга Борисова С. П. кыайа хото тутан сүрдээҕин тирэх көмө буолара. Ол кэмнэргэ сүрдээҕин бары биир санаанан үлэлээн-хамсаан кэлбиттэрэ. Тэрилтэ хайдаҕа салайааччыттан олус тутулуктааҕа билэр буоллаҕа.

Сайын аайы икки үс лааҕыры тэрийэн бэйэтэ сүүрэн-көтөн начальниктаан үөрэрэ-көтөрө. Хас биирдии үөрэнээччи, үлэһит ситиһиититтэн олус үөрэрэ, астынара. Ветераннарын хаһан да умнубата куруук инники күөҥҥэ тутара. Саамай ыарыылаахтык ылыммыта оҕо ахсаанынан үбүлээһин, хамнас ааҕыытын саҥа системаҕа көһүүтэ буолан сокращение буолуута этэ. Оччолорго саҥа киирии буолан өйдөммөтө олус элбэҕэ, билигин кэм өйдөнөр буолбута буолуо.

Бу оскуола өссө биир уратыта диэн оҕолор оскуолаҕа автодело уонна мастер швейного дела диэн аттестаты кытта оскуола бүтэрэллэригэр свидетельство ылаллара буолар, бу эмиэ Николай Николаевич сүүрэн-көтөн ситиспит ситиһиитэ буолар.

Бу маны ахтан туран бииргэ үлэлээн ааспыт салайааччыбын «СР үөрэҕириитин туйгунун», «Үөрэнээччилэр биһирэбиллэрэ» бэлиэ хаһаайынын “Барҕарыы фонда” стипендиатын “Таатта нэһилиэгин бастыҥ салайааччыта” анал аат, Д. А. Петров аатын үйэтитии өйдөбүнньүк аат хаһаайыннарын Голиков Николай Николаевич туһунан истиҥ өйдөбүлбүн, убаастабылбын, Киһи киһитэ этэ диэн түмүктүүбүн, оскуола историятыгар кини аата үйэлэргэ ахтылла туруохтун.

 

 

Cамсонова Т.Н.

 

Д.А. Петров аатынан Ытык-Күөл 2-с нүөмэрдээх орто оскуолатыгар поварынан үлэлээбитим тохсус сыла.

Бу сылларга үлэлээбит уонна сорохторун кытта билигин даҕаны бииргэ алтыһар дьоннорум: дириэктэрдэр Голиков Н.Н., Варфоломеев В. И., Сергеев Д. В.; завхозтар Ермолаев Н. Н., Егоров М. В, Белолюбскай Е. М.; көмөлөһөөччү повардар Павлова Р.С., Винокуров П., рабочай Новгородов Д. Н., иһит сууйааччылар Рожина А. В., Попова А. П.; харабыллар Платонов С. И., Собакин Н.Н., Данилов М. М., Халыев Ю. Х., Самсонов В. Н.; техническэй үлэһиттэр Винокурова С. И., Васильева Г. А., Луковцева С. Н.

Оҕолору минньигэс тотоойу аһынан күндүлээн оскуола олоҕор бэйэм кылааппын киллэрэбин. Тэрилтэбит туох баар тэрээһиннэригэр, улуус иһинээҕи күрэхтэһиилэргэ концертарга, олимпиадаларга көхтөөхтүк кыттан, сайынын лааҕырга үлэлээн, үлэм сыаналанан грамоталарынан наҕараадаламмытым.

Бүгүҥҥү күҥҥэ көмөлөһөөччү повардыын, иһит сууйааччылыын үһүө буолан үлэлиибит. Оскуола оҕолорун күҥҥэ иккитэ аһатабыт. Үлэбит өссө тупсарыгар кыһаллабыт. Билиҥҥи сайдыы кэмигэр саҥа оһохтонон, морозильниктанан үөрүүбүт үгүс.

Манан сиэттэрэн коллективпын, бары иитэр-үөрэтэр үлэһиттэри, үбүлүөйүнэн итиитик-истиҥник эҕэрдэлиибин, өссө үрдүк ситиһиини, кэрэни-сырдыгы баҕарабын. Үлэҕит түмүктээх буоллун!

 

 

 

 

 

 

 

 

 

Форма входа
Календарь
«  Сентябрь 2017  »
ПнВтСрЧтПтСбВс
    123
45678910
11121314151617
18192021222324
252627282930
Случайное фото
Случайное фото
Баннеры
Министерство образования и науки Российской Федерации

Управление образования Таттинского улуса

Федеральный портал "Российское образование"

Единое окно доступа к образовательным ресурсам

Единая коллекция цифровых образовательных ресурсов
Федеральный центр информационно-образовательных ресурсов
йойойой йойойойййй

Copyright МБОУ Ы-КСОШ №2 © 2017
Хостинг от uCoz