Воскресенье, 22.10.2017, 15:10
Приветствую Вас Гость | RSS

Ытык-Кюельская СОШ №2 им Д.А. Петрова

Меню
Альбомы
Статистика

Онлайн всего: 1
Гостей: 1
Пользователей: 0
Главная » 2017 » Май » 16 » XV үбүлүөйүнэй Петров ааҕыылара
09:49
XV үбүлүөйүнэй Петров ааҕыылара

XV үбүлүөйүнэй Петров ааҕыылара

Албан Аат орден толору кавалера Д.А.Петров аатынан Ытык-Күөл 2-с нүөмэрдээх орто оскуолата тиһигин быспакка ыытар региональнай Петровскай ааӄыылара быйыл үбүлүөйдээх 15-с сылын кыттааччылары муста. Ыаллыы сытар Томпо улууһун Хаандыга, Үөгэн, Арыы-Толоон, Мэӊэ-Алдан, Таатта оскуолаларыттан 200-тэн тахса үөрэнээччи аҕыс хайысхаҕа күрэх былдьастылар. Тэрээһини үөрүүлээх арыйыыга Таатта улууһун баһылыга Соров М.М., Тааттыныскай нэһилиэк баһылыга Павлов Е.И., үөрэх салалтатын начальнигын солбуйааччы Луковцева М.Н., улуус ветераннарын сэбиэтин бэрэссэдээтэлэ Беркина С.И., оскуола дириэктэрэ Сергеев Д.В. тыл эттилэр. Параадынан Тааттатаа5ы баьаары утары охсуьар этэрээт начальнигын солбуйааччы, казактар общиналарын атамаана Рахлеев И. Ф. хамаандалаата. Сулустаах эстафетаӄа уонна буулдьанан ытыыга 7 хамаанда кытынна – Тыараһа, Чымынаайы, Ытык –Күөлтэн ЫКОО-1, ЫКОО-2, лицей, гимназия, Сатабыл. Конференция сыала-соруга герой Д.А. Петров аатын үйэтитии, оскуола оҕолору чинчийэр кыахтарын сайыннарыы, патриотизм тыыныгар иитии. Быйылгы ааҕыыларга герой «Саллаат сулуһа» кинигэтинэн биктэриинэ, пластилинтан композиция киирдилэр.

«Биир дойдулаахтарбыт олохторо уонна бойобуой суоллара» научнай-чинчийэр хайысха бу «Уруйдан Улуу Кыайыы» конференция5а суолталаа5ынан буолар. Манна алын сүһүөх кылаастарга кыайыылааҕынан буолла Свинобоева Моника (Арыы Толоон, Томпо, сал.Барашкова Г.А.) «Үтүө киһи үтүөтэ үйэттэн үйэҕэ салҕанар” диэн үлэтинэн. Иккискэ - Баишева Марина (Арыы Толоон, сал. Сафонова И.В.), үһүскэ уонна номинацияҕа тигистилэр Спиридонова Марина (Таатта лицейэ, сал.Спиридонова Ф.А.), Татаринова Тамара (Тыараһа, Татаринова А.К.), Андросова Эмма (Баайаҕа, сал. Мандарова М.Б.). Иккис группаҕа бастакы миэстэ – Литвинцев Петр (Тыараһа, сал. Варламова У.Н.), иккис – Хатылаева Юлия (ЫКОО-2, сал.Яковлева А.Г.), үһүс - Филиппова Уйгулаана (Үөгэн, Томпо, сал. Тарасов А.Н.). Историяны хасыһан үөрэтэр салааҕа Гран-при үрдүк ааты бу оскуола 4-c «а» кылааһын үөрэнээччитэ Рахлеев Родион «Кыайыы – ураты кинигэ» диэн дакылаатынан (сал. Рахлеева М.П.) ылла. Бастакы миэстэ – Тимофеев Ваня (ЫКОО-2, сал. Эверстова Л.С.), призердар – Филиппова Уйгулаана, Гоголева Ага (Үөгэн, Томпо, сал.Тарасов А.Н., Павлов А.А.). Иккис группаҕа призердар – Андросова Даша (ЫКОО-1, сал.Кузьмина Н.М.), Охлопков Рома (Үөгэн, Томпо, сал.Тарасов А.Н.), Луковцев Родион (Тааттыныскай лицей).

Фашистскай Германияны кытта уодаһыннаах сэриигэ Улуу Кыайыыны уһансыбыттарга анаммыт сахалыы, нууччалыы өйтөн суруйууга барыта 60 тахса оҕо кытынна. Сахалыы «Оонньооботох о5о саас» диэн уустук тиэмэҕэ өйтөн суруйан, Парфенова Аня, Степанова Алена (5 кыл.), Федорова Марианна, Кривошапкина Люда (7 кыл.), Максимов Уруйдаан (8 кыл.) Таатта лицейиттэн (сал. Андросова О.П.) бастакы, иккис буоллулар. Татаринова Айнура, Дорофеева Аня (Дьохсоҕон, сал. Сивцева М.В.), Голиков Саша (ЫКОО-2, сал. Эртюкова В.И.) бириистээх миэстэҕэ тигистилэр. Улахан кылаастарга Данилова Виктория (ЫКОО-2, сал.Татаринова Е.И.) «Хорсун сэрииһит, биир дойдулаахпыт» өйтөн суруйуутунан бастаата.

Нууччалыы «Ради жизни на земле», «Детство опаленное войной», «История моей семьи в истории села» тиэмэлэргэ билиҥҥи оҕолор ааспыт кырыктаах сэриини бэйэлэрин харахтарынан хайдах көрөллөрүн ырыҥалаан, сүрдээх дириҥ ис хоһоонноох үлэлэри суруйдулар. Урукку өттүгэр бу күрэх кэтэхтэн ыытыллар буоллаҕына быйыл кыттааччылар бэйэлэрэ кэлэн суруйбуттара тыҥааһыны үөскэттэ. Маны иилээн-саҕалаан ыыппыт нуучча тылын учууталлара Эртюкова В.И. уонна Большакова М.Н. проект быһыытынан икки сыллааҕыта саҕалаабыттара уонна ааспыт ааҕыыларга оҕолор бастыҥ үлэлэрин түмэн кинигэ таһаарбыттара, быйыл даҕаны салгыыр былааннаахтар. Манна 5-c кылаастарга Ефимов Петя (ЫКОО-2,сал.Эртюкова В.И.), алтыстарга – Матаннанова Нарияна (ТЛ, Колтовская С.Н.), сэттистэргэ - Нохсоров Саша (ЫКОО-2,сал.Эртюкова В.И.), ахсыстарга – Вырдылина Юлия (ТЛ, Макарова Л.С.), онустарга – Тоскина Даяна (Чөркөөх, сал.Софронова М.М.) өйтөн суруйуулара бастыҥынан ааттаннылар. Игидэй (Баннова Н.Б.), Тыараһа (Сабарайкина С.В.), ЫКОО-1 (Сорова К.В., Никифорова Т.В., Хатылыкова Т.А.), ЫКОО-2, лицей, гимназия (Федорова Г.И., Федорова А.А., Неустроева Е.Н.) оскуолаларын о5олоро призер аатын ыллылар. Бу оскуолаттан Игнатьева Даша, Цой Андрей (10кыл. сал. Большакова М.Н.) призер буоллулар.

Биир дойдулаахпыт, киэн туттар киһибит, оскуолабыт аатын сүгэр Дмитрий Ананьевич Петров кыраҕы харахтаах булчут, хорсун буойун чиэһигэр ыытыллар пневматика саанан ытыы күрэҕэ улахан кылаас оҕолорун Ытык-Күөл Кыайыы болуоссатыгар герой памятнигар түмтэ. Миитин кэнниттэн оскуола аайыттан кэлбит икки уол, икки кыыс түмүллэн буойун дойдутугар Таастаахха дылы “Сулустаах эстафетаны” сүүрдүлэр. Манна Белолюбскай Илья (Сатабыл, сал.Аргунова О.В.)– бастакы, Марков Ариан (ЫКОО-2) – иккис, Щепорцов Петя (гиназия, сал.Петров Н.Н.) - үһүс; кыргыттарга Неустроева Таня (Сатабыл)-бастакы, Кузьмина Дайаана (ЫКОО, сал.Кузьмин С.С.) -иккис, Кузьмина Күннэй-үһүс (ЫКОО-2, сал.Хоноруин И.Ф.) буоллулар. Күрэхтэһээччилэр бойобуой бэлэмнээх ытар миэстэлэригэр кэлэн, 10 миэтэрэттэн 20 төгүл ыппытынан бардылар. Кыргыттарга бастакы - Андреева Николана (141 очко, ЫКОО-1, сал.Степанов Н.П.), иккис – Кулаковская Надя (122, лицей, сал.Данилов Л.А.), үһүс – Ефимова Аделина (114, гимназия, сал. Петров Н.Н. ). Саамай элбэх очколаах, Тыараһа орто оскуолатын уолаттара, салайааччы Огонеров Г.С., кими даҕаны иннилэригэр түһэрбэтилэр: Бучугасов Борис (140), Литвинцев Ваня (135). Абсолютнай чемпион Аржаков Егор (154) Петровтар анал бириистэрин ылла. Уопсай хамаанданан түмүккэ оҕону сайыннарар эбии үөрэхтээһин тэрилтэтэ (Сатабыл) – үһүс, Тыараһа – иккис уонна бастакы - Таатта гимназията, көһө сылдьар кубогынан наҕараадаланна.

Оскуола библиотекара Мочкина М.Д. Д.А. Петров олоҕун кэпсиир «Саллаат сулуһа» кинигэтинэн аныгылыы технологиянан интерактивнай интэриэһинэй биктэриинэ ыытта. Оскуолаттан үс кыттааччылаах, эрдэттэн ааҕан, ох курдук оҥостубут хамаандалар күрэс былдьастылар. Таатта лицейин оҕолоро бастакы, ЫКОО-1, Дьохсоҕон ОО – иккис, ЫКОО-2 – үһүс буоллулар. «Бастыҥ оонньооччу» аат Дорофеева Арианнаҕа (7 кыл., лицей) тигистэ.

«Кыайыы туһугар» саҥа күрэххэ оскуола аайыттан тэриллэн кэлбит түөрт киһилээх хамаанда пластилинтан бэриллибит бириэмэҕэ композиция оҥордулар. Манна Уолба оскуолатын үөрэнээччилэрэ бастыҥ, А.И. Софронов аатынан 1-кы №-дээх ОО (сал. Степанов Н.П.) иккис, Д.А. Петров аатынан 2-с №-дээх ОО оҕолоро (сал. Никифорова С.А.) үһүс буоллулар. Орто сүһүөх кылаастарга Чычымах (сал. Чуруков Е.В.), ЫКОО-2 (сал. Петрова А.П.) - бастакы, ЫКОО-2 (сал. Спиридонов Я.Н.) – иккис, ЫКОО-2 (сал. Эртюкова В.И.) – үһүс буоллулар.

Макет күрэҕэр кыттааччылар араас матырыйаалтан оҥоһуллубут байыаннай техника моделын көмүскээтилэр. Манна бааллар тааҥкалар, самолеттар, автоматтар, хараабыллар уонна байыаннай формалар. Алын сүһүөхтэргэ Саввин Сайдам «Б-29» самолета - I миэстэ, II-с – Максимов Степа, Афанасьев Айсен (Сатабыл, сал. Егоров П.И.), Боппосов Андриан (Сатабыл, сал.Тистяхов В.В.), III-с миэстэ – Мосоркин Никита (ЫКОО-1, сал. Степанов Н.П.). Орто сүһүөхтэргэ Чычымахтан Неустроев Дьулустаан (сал. Чуруков Е.В.) таанката тэҥнээҕин булбата. II-c, III-с миэстэлэр – Винокурова Света (ЫКОО-2, сал. Никифорова А.Е.), Аржаков Антон (ЫКОО-1, сал.Шестаков И.И.), Трифонов Саша (ЫКОО-2, сал. Спиридонов Я.Н.). Улахан кылаастарга Иванов Саша, Андросов Леня (ЫКОО-1, сал. Степанов Н.П.) «ЛА-5» самолеттара бастаата. Манна бэлиэтээн эттэххэ соҕотох кыыс кыттааччы Винокурова Света байыаннай формалары куукулаҕа тикпитэ кэрэхсэннэ.

Эдэр уруһуйдьуттар «Норуот өйүгэр үйэ тухары» күрэхтэригэр Неустроева Виолетта (Уолба, сал. Винокурова Д.И.) бастаата. Салгыы бириистээх миэстэлэри ыллылар – Шамаев Айхал (ЫКОО-2, сал. Бочурова А.А.), Иванов Гоша (ЫКОО-1). Иккис группаҕа гимназия үөрэнээччитэ Абрамова Карина (сал. Платонова М.К.) бастаата, Заболоцкая Алина (гимназия, сал. Собакина Т.В.), Евлева Милена (Чымынаайы, сал. Евлева Е.Д.) призер буоллулар. Улахан кылаастарга Портнягина Нина (Томпо, сал. Келина И.А.), Неморицына Арина (ЫКОО-2, сал.Петрова А.П.) уруһуйдара бириистээх миэстэҕэ тигистилэр. Онтон бастакы миэстэни дьүүллүүр сүбэ Павлов Алаҥҥа (гимназия, сал. Собакина Т.В.,) «Последний рубеж» уруһуйун ураты ис хоһоонноох, чаҕылхай диэн бэлиэтээн туран биэрдэ.

Ити курдук XV үбүлүөйүнэй Региональнай Петровскай ааҕыылар оскуола директоры иитэр үлэҕэ солбуйааччыта У.И. Тарасова, учууталлар, үөрэнээччилэр бары кыахтарын биэрэн, дьүүллүүр сүбэ сөптөөх таһаарыылаах үлэтинэн ситиһиилэхтик аастылар. Анытын даҕаны сэрии хонуутугар сырдык олох туһугар тыыннарын биэрбит биир дойдулаахтарбыт, үлэ-тыыл бэтэрээннэрин ааттара үйэттэн үйэҕэ ааттана турдуннар.

Яковлева А.Г.

$IMAGE1$ $IMAGE4$

Просмотров: 84 | Добавил: sch2ytyk | Рейтинг: 0.0/0
Всего комментариев: 0
Имя *:
Email *:
Код *:
Форма входа
Календарь
«  Май 2017  »
ПнВтСрЧтПтСбВс
1234567
891011121314
15161718192021
22232425262728
293031
Случайное фото
Случайное фото
Баннеры
Министерство образования и науки Российской Федерации

Управление образования Таттинского улуса

Федеральный портал "Российское образование"

Единое окно доступа к образовательным ресурсам

Единая коллекция цифровых образовательных ресурсов
Федеральный центр информационно-образовательных ресурсов
йойойой йойойойййй

Copyright МБОУ Ы-КСОШ №2 © 2017
Хостинг от uCoz